Timor-Leste, nudar nasaun agraria ho populasaun tokon 1.3 mak iha kompañia ISP hamutuk sanulu-resin, ho operador dominante tolu ne'ebé ha'u bolu nu'udar Triad: Timor Telecom, Telkomcel no Telemor. Setór telekomunikasaun iha kresimentu bebeik, no signifikante ba ekonomia no polítika nasaun nian dezde inisiu independénsia. Eis ofisiál governu sira dehan katak ida-ne'e bele hamosu retornu ne'ebé potensial ba kolesaun naun-petroliferu estadu nian, no kontribui ba diversifikasaun ekonómika no hakuur liu dependénsia ba mina-monokultura. Maske nune'e, ekonomia polítika setór telekomunikasaun nian iha Timor-Leste hatudu formasaun ekonómika nasaun nian ne'ebé hakruuk tebes ba kapitál globál, dependente no dezenvolvimentu-aat. No importante liu, setór telekomunikasaun iha Timor-Leste sujeita ba implementasaun austeridade neoliberal no ideolojia merkadu livre.
Liberalizasaun: Husi Monopoli Singular to'o Triad
Iha tinan 2002, Governu FRETILIN hahú kontratu konsesaun ho Timor Telecom durante tinan 15 nia laran no remata iha tinan 2017. Husi hahú ne’eba kedas, Timor Telecom nu'udar rejime propriedade mistura ne'ebé maknain hosi kapitál Portuges (ikus mai Brazil nia OI), governu Timor-Leste no kapitál privadu Timor-Leste balun. Kontratu ne'e permite Timor Telecom nu'udar podér jestaun nian atu estabelese, jere no opera infraestrutura no servisu telekomunikasaun sira ne'ebé eziste. Kontratu ne'e hatudu ho klaru kompromisu atu transfere soberanu no nasionalizasaun, tuir prinsípiu orientador "Harii, Operasaun no Transferensia," signifika dezenvolve no hala'o infraestrutura no servisu telekomunikasaun nian to'o bele transfere ba estadu nian iha futuru.
Kopia husi pajina kampaña facebook: @NetLibre Timor-Leste
Maibé antes konsesaun ne'e remata, Kongresu Nasional ba Rekonstrusaun Timor-Leste (CNRT) ne'ebé lidera husi Primeiru-Ministru Xanana Gusmão, la'o ba oin ho planu tomak kona-ba liberalizasaun no ajenda merkadorizasaun iha indústria telekomunikasaun iha 2012. No Banku Mundial hala'o papél influénsia hanesan ne'e hodi forma polítika telekomunikasaun nian ne'ebé bazeia ba modelu neoliberal.
Iha tinan 2012 ne'e sai nu'udar momentu ne'ebé importante tebes ba neoliberalizmu iha Timor-Leste, no CNRT nu'udar partidu ne’ebé ukun governu Timor-Leste nian, no lansa estratéjia makroekonomiku no dezenvolvimentu oin-oin ho objetivu atu hametin neoliberalizmu no komprarizasaun kapitalista iha nasaun ne'e. Lei ne'e dezeña atu bele sai amigavel ba investidór estranjeiru sira, adopta merkadu traballu fleksivel no implementa austeridade neoliberal iha Timor-Leste.
Kriasaun Dekretu-Lei Nu. 15/2012 kona-ba Regulamentu Setor Telekomunikasaun nian, mak atu transforma ba ekonomia merkadu livre tomak. Hanesan hateten, "Rekonese importánsia merkadu telekomunikasaun ida-ne'ebé kompetitivu ba futuru sosiál no ekonómiku Timor-Leste nian, Governu kompromete an ba prosesu liberalizasaun merkadu telekomunikasaun nian no introdús kompetisaun efetiva iha merkadu ida-ne'e liuhusi partisipasaun setór privadu nian."
Hafoin governu remata tiha akordu konsesaun eskluziva ho Timor Telecom iha tinan 2012, kontratu foun ne'e la'o tuir mantra hodi fó liberdade ba setor privadu sira, "Iha nivel internasionál, evolusaun naturál merkadu telekomunikasaun nian muda ona hodi favorese kompetisaun kona-ba direitu eskluzivu sira, no rede telekomunikasaun sira ne'ebé parte privadu sira na'in ba sira ne'ebé Estadu nian, atu nune'e bele estimula investimentu iha rede telekomunikasaun sira no hadi'a folin, kualidade, disponibilidade no servisu telekomunikasaun oioin."
Nune'e, governu Timor-Leste liberaliza setór telekomunikasaun sira iha tinan 2012, no transforma kondisaun monopoliu úniku iha Timor Telecom nia okos no muda ba kondisaun ne'ebé ha'u bolu nu'udar monopoliu koletivu lokál iha merkadu Timor-Leste. Triad nu'udar ISP sira ne'ebé domina no kontrola merkadu nasionál ba servisu internét. Loloos katak, Triad sai hanesan portaun prinsipál úniku ne'ebé fornese porsentu 98 husi kobertura rede, no akumula ona rikusoin boot iha Timor-Leste.
Triad la'ós iha kompetisaun, maibé mantein ambiente konsensu ne'ebé vibrante. Sira la envolve iha kompetisaun konflitu ka, sira hakbesik atu halo obstákulu ba malu, maibé sira haruka merkadu bazeia ba dezempeñu konsensual: laiha ema ida mak fornese servisu di'ak ho kustu ki'ik. Tanba ne'e, kompetisaun la tun tanba folin ne'e la tun desde liberalizasaun, no la asegura asesibilidade. Klaru katak, Triad subjuga ba kapitál globál, porezemplu, Triad presiza selu aluga ne'ebé karun ba satélite. Servisu internét Timor nian sai hanesan konetividade ne'ebé karun liu no kiak liu. Nia tama iha grupu terseiru ne'ebé nia nivel asesibilidade internét ne'ebé ki'ik liu.
Governu Timor-Leste adopta ona shock therapy/tratamentu xoke ho sistemátiku ba iha setór ida-ne'e dezde 2012. Maske nune'e, liberalizasaun la konsege hala'o privatizasaun kompletu ba empreza públiku ida-ne'ebé regime propriedade kahur malu iha Timor Telecom. Hafoin tinan sanulu, iha tinan 2022, governu Timor-Leste ne'ebé lidera husi FRETILIN sosa tiha ona porsentu 57 husi OI Brazil nian, hodi nune'e bele halo governu Timor-Leste sai parte boot liu iha direitus 77,65 iha Timor-Telecom. To'o agora, ami haree mudansa dinámika iha indústria ida-ne'e, hamutuk entre estadu no kapitál privadu, no parte daruak-ne'e mak forsa dominante. Aleinde ne'e, lei kona-ba telekomunikasaun 2012 la fornese ho klaru provizaun ruma ba rede internét komunitária, iha ne'ebé rejime legál favorese no permite de'it paradigma propriedade nian ne'ebé foka ba empreza estadu nian ka empreza privadu nian.
Austeridade Orsamentál no Merkadu Livre
Governu Timor-Leste mantein investimentu públiku ki'ik ida no permite podér jestaun hotu-hotu iha infraestrutura no servisu telekomunikasaun nian ba setór privadu sira. Ida ne'e hanesan polítika ida-ne'ebé governu rasik hakarak atu enkoraja merkadu livre.
Lolos hatutu, durante krize pandemia iha tinan 2021, governu fó de'it orsamentu millaun $3 ba Ministeriu Transporte no Komunikasaun kona-ba implementasaun no jestaun programa infraestrutura komunikasaun nian, enkuantu aloka osan dolar amerikanu millaun $78 ba Ministeriu Rekursu Mineral no Petroleu. Fundu espesiál Covid-19 (2020-22) la aloka ba setór ICT atu asegura asesu ba internét ne'ebé livre no asesivel iha períodu krize no kuarentena Covid-19 nian. Governu limita nia investimentu no intervensaun atu enkoraja merkadu livre iha setór ida-ne'e.
Ironia mak, oinsá mak negósiu ida-ne'ebé iha merkadu ne'ebé la signifikante promote tebes ba kapitál nasionál no estranjeiru?
Iha tinan 2024 sei estabelese submarinu trans-kontinentál ne'ebé bele liga husi parte norte Australia nian atu nune'e bele realiza objetivu sira hodi fornese servisu ida-ne'ebé bele “afordavel” iha tinan 2012, ba presu no servisu internét ne'ebé “razoavel” iha tinan 2024. Durante tinan barak, konglomeradu Timor-Leste nian Nilton Gusmão, subriñu husi polítiku-nain influénsia, Xanana Gusmão, koko atu sosa Timor Telecom, maibé agora nia ETO Telco foka liu ba investimentu iha negósiu multi-cloud komputadór no sentru dadus. Setór telekomunikasaun mós atrai negósiu nasionál sira seluk, Abilio Araujo ne'ebé na'in ba SACOM TL kompete ona iha merkadu telekomunikasaun iha Timor-Leste. Eis nasionálista ida-ne'ebé sai ezekutivu ba negósiu no investe iha indústria telekomunikasaun mak Eduardo Gatot nudar nain ba Gardamor, no Julio Alfaro ne’ebe iha maknain mos iha Timor Telecom.
Eis lider nasionálista sira, no funu-na'in sira ne'ebé halo funu ba liberdade agora sai ona elite emprezariál timoroan sira rekoñese ona potensia kona-ba retornu ekonómiku, maibé mós papél sentrál internét nian iha podér polítiku no kontrolu.
Segregasaun dijitál no Internet Laek: Austeridade
Iha tinan 2023, Governu relata katak ema porsentu 64 husi munisípiu hitu la konsege asesu ba informasaun liuhusi média online tanba asesu ba eletrisidade no internét ne'ebé fraku. Segregasaun dijitál ne'e hatudu duni, no sustenta husi laran-makerek ne'ebé kontinua nafatin husi Triad Telecom. Porezemplu, iha área balun ne'ebé la kobre ligasaun 4G iha Dili nu'udar sidade kapitál. Maske nune'e, kliente sira iha área sira ne'ebé iha defisiénsia dijitál sira-ne'e selu presu asesu ba internét ne'ebé hanesan ho dezempeñu no ligasaun ne'ebé la hanesan. Presu ne'ebé hanesan ho ligasaun ne'ebé la hanesan no limitasaun data lahanesan ne’e laos deit esperiénsia entre urbanu no rurál sira, maibé iha área urbanu sira rasik nia laran.
Telekomunikasaun ne'e mantein nafatin banda larga limitadu durante tinan barak iha Timor-Leste. Ho aumentu utilizadór internét sira ne’ebé lalais iha Timor-Leste, kliente sira selu ho folin aas ho limitasaun dadus internét ne’ebé kontinua menus no konetividade neineik. Telekomunikasaun presiza kontrola númeru bit, informasaun ne’ebe suli no speed ne'ebé sira fornese ba públiku. Ita bele fó ezemplu ida kona-ba ida-ne'e, no oinsá ida-ne'e hatudu ideia kona-ba austeridade neoliberál ne'ebé la'ós de'it iha ukun polítika fiskál no dezenvolvimentu estadu nian maibé mós estratéjia merkadu emprezariál nian, no moris baibain família, komunidade no individu iha Timor-Leste.
Kuandu restaurante iha otél fó etu-fuga ida ba ema ida, no hodi kontinua maximiza lukru iha ezijénsia merkadu ne'ebé aumenta, nune'e, restaurante ne'e agora fornese menu ne’ebe hanesan ho folin dolar lima ba ema na'in lima atu han. Nune'e, ema na'in lima selu osan dolar lima ba porsaun ida husi etu-fuga iha restaurante. Rezultadu mak scarcity/laek/kelangkaan.
Ne'e mak ideia austeridade nian, atu hametin sintu. Aumentu iha utilizasaun internét hasoru presu no bit ne'ebé konsistente fornese husi telekomunikasaun triad ne'ebé lori de'it ba servisu ne'ebé fraku no presu aas iha Timor-Leste. Uza internét ho densidade no konsumu internét la-kompativel ho ISPs-buka no maximiza lukru. Telekomunikasaun sira-ne'e presiza fornese servisu ne'ebé la di'ak ho folin ne'ebé karun, ho liafuan seluk, kelangkaan atu sira bele sai kompetitivu no akumulasaun lukru nafatin.
Iha parte seluk, telekomunikasaun ka instituisaun públiku sira hanesan ANC hamenus problema sira kona-ba kustu aas no servisu ne'ebé fraku ba asuntu tékniku. Sira deklara katak infraestrutura sira hanesan tore, kabe, satélite, ka dehan, Timor-oan sira hela dook malu iha área rurál sira ne'e mak halo ema hasoru kobertura telekomunikasaun ne'ebé limitadu. Maibé, problema ne'e la'ós tékniku, maibé maximu lukru. Obstakulu prinsipál ba telekomunikasaun sira mak oinsá atu kontinua hetan lukru no habelar iha merkadu ki'ik ho ekonomia kreximentu neineik no dezempregu neineik ne’e? - solusaun ba ISP nia triad mak: fornese ba sira austeridade no kelangkaan internét.
Divizaun Klase Traballador dijitál
Setór telekomunikasaun sira mos sai fatin ba traballador aristokratiku internasionál no lokál mos. Maioria, sira iha espozisaun ba indústria globál, teknolojia, vizaun distópiku, no konsumu. Sira la iha konxiensia proletaria, no sira-nia vulnerabilidade polítika ne'ebé forte liu.
Liberalizasaun sustenta divizaun traballu no dezigualdade ne'ebé kontinua, iha ne'ebé maioria funsionáriu timoroan sira ne'ebé servisu iha indústria telekomunikasaun sira asume de'it pozisaun médiu ba ki'ik. Liberalizasaun permite no asegura ona pozisaun estratéjiku sira husi podér jestaun ba estranjeiru. Maioria husi pozisaun estratéjiku no jestaun superiór sira-ne'e hala'o husi traballador sira husi Indonezia, Portuges, Vietname no seluk tan. Iha Timor Telecom, klase jestaun estranjeiru uza atu ‘fahe no manán’ timoroan sira. Iha sira-nia leet, presiza solidariedade iha liña masa nia laran.
Neoliberalizmu halo ema kiak sira kontinua kiak, no transfere rikusoin barak ba minoria sira. Tanba liberalizasaun iha indústria ida-ne'e mantein ona seksaun prinsipál sira husi klase traballador iha setór ida-ne'e moris iha estajensia ne'ebé kontinua. Porezemplu, saláriu mínimu ba Timor Telecom molok liberalizasaun ne'e boot liu dala sanulu kompara ho ohin loron, ho lakon protesaun no subsídiu balun dezde liberalizasaun.
To'o rohan, iha falta kultura organizasaun uniaun no klase traballu nian iha setór ida-ne'e. Timor Telecom iha komisaun informál ki'ik ida husi klase traballu atu responde ba disputa saláriu no kondisaun servisu iha kompañia nia laran. Presiza liga klase traballu iha setór indústria telekomunikasaun nian tomak tanba sira-nia vitalidade ba polítika, ekonomia no akumulasaun ekonomia globál iha nasaun ne'e.
Traballador dijitál sira, Unidu!
Comments