Tinan 50 liu ba, iha tinan 1974, Padre Eduardo Roxo, hetan expulsa, no governu kolonial dada fila nia husi Timor tan nia simpatia no fo apoiu ba FRETILIN. Padre Roxo nudar amigu Povo Maubere, amigu diak ba Nicolau Lobato, nudar padre ne’ebe adere no apoiu ba aspirasaun no prinsipiu politika FRETILIN: Libertasaun Patria no Povo Maubere oprimidu nian.
Maske regime kolonialista-fasista monu ona iha Portugal hafoin Revolução dos Cravos/25 de Abril 1974, maibe laloran kontra-revolusionariu kontinua buka fatin hodi domina estadu Portugez. No ne’e la signifika, fasismu no anti-demokrasia real hotu ona iha rai kolonializadu hanesan Timor-Leste (Portuguese Timor iha tempu neeba).
25 de Abril 1974 konsebe nudar loron ba liberdade ba iha kolonia sira, liuliu iha Timor hodi demanda ba deskolonizasaun husi imperiu Portugal. Nafatin katak, represesaun no forsa konservativu laos termina ona maibe kontinua tenta ho forma saida deit hodi restaura no prezerva sira nia poder iha futuru Timor ne'ebe, mak tantu, federa ba Portugal, integra ba Indonezia ou independensia nudar nasaun-estadu soberanu.
Konservatismu ne’e kontinua ezisti, liuliu iha setor igreja nian relasiona ho futuru Timor. No konservatismu igreja ne’e rasik, fo reasaun makas liu tan bainhira ASDT transforma ba FRETILIN iha Setembru 1974. Ne’e katak, to’o ba 1974 mos, igreja katolika eziji padre-sira iha Timor tenki neutral, labele mete politika, nem partidu politiku sa tan apoiu ba povu oprimidu Maubere ne’ebe demanda ba deskolonizasaun no independensia real. Hanesan hato’o husi padre Martinho Lopez iha Agostu 1974:
“a Igreja não tem partido. O padre, como representante da Igreja não deve aderir a partido algum a fim de estar completamente livre para ser de todos e a todos pertencer. Como cidadão tem o direito política. Mas porque todas as opções políticas são naturalmente contingentes, não podendo, portanto, interpretar de um modo integral o Evangelho, o padre, que é prudente, procura conservar-se a distância de qualquer compromisso político em ordem a assegurar a sua actividade pastoral.”
Bainhira hetan expulsa, FRETILIN deklara nia soliedaridade no infrenta lakon ho expulsa ne’e. FRETILIN esplika katak, “A FRETILIN, o povo do Timor-Leste, aguarda o regresso do Padre Eduardo Roxo que terá sempre um lugar nesta terra.” FRETILIN kompara katak, jestu politiku pro-opremidu ne’ebe padre Roxo halo ne’e hanesan kedas ho “daqueles homens dotados de grandes qualidades humanas que nos lembram outros tantos sacerdotes, como o bispo de Nampula, D. Manuel Vieira Pinto, e os padres <brancos> que nas colónias portuguesas de Africa apoiaram inequívocamente os movimentos de libertação, na luta pela independência”
Laos deit FRETILIN, padre Bruno Pistocchi, husi Italia hakerek testu badak ida hodi defende Padre Eduardo Roxo nia kauza hodi apoiu movimentu ba libertasaun FRETILIN no maubere nia luta ba independensia.
Nia testu ne’e publika iha jornal Nacroma, ami foti hodi publika hikas fali iha Dialetika, hodi komemora testu kritiku ne’ebe historiku ne’e, hodi sukat tutuir nia relevansia ba situasaun atual, liuliu kona-ba misaun sosial Igreja, teolojia libertasaun nia kritika no pozisaun igreja hodi luta ho povu hasoru sistema koruptu, opresivu no explorasaun.
Objetivu husi testu ne’e hodi publika hikas testu prinsipal husi Padre Bruno Pistocchi ho tema “Em Defesa Dum Irmão”. Mai ita sani nia testu iha loron Paskoa 2024 ne’e.
Pensei fosse meu dever dizer uma palavra pública de defesa para um membro da minha família que sofre pessoalmente as consequências da sua coragem.
Numa conversa acerca de <saneamento> do Padre Eduardo Roxo, um membro do Comité Central dum partido de Timor perguntou-me <E o padre porque não luta com o seu povo>?
Respondi: <Qual parte do meu povo?
O meu lugar é ao lado do oprimidos. Se vós, hoje, vos julgais os oprimidos, podeis contar comigo: estarei ao vosso lado.
Mas no dia em que vós ganhardes e vos tornardes os dominadores desta terra, naquela dia também eu estarei ao lado dos oprimidos, mas contra vós, os futuros opresores daquela dia.
No LIVRO (Biblia) no qual acredito e para o qual aqui estou, encontro palavras mais que suficientes para justificar o que é de César e a Deus o que é de Deus>. Esta é a tradução que foi sempre apresentada, mas, talvez, a verdadeira interpretação do pensamento de Cristo seja outra: <Dai a César (o estado) o que o estado merece e a Deus o que Deus merece>.
Se o estado merece lealdade, devemos dar-lhe a nossa lealdade. Se o estado, porque opressor, merece revolução e luta, devemos, unidos em nome do Evangelho fazer a revolução e começar esta luta.
A luz deste princípio posso solidarizar com a escolha do meu irmão Padre Eduardo Roxo.
Não precisa que explique ao Senhor o que Deus merece: está escrito no mais íntimo de cada um de nós, também daqueles que se fazem esquecidos desta palavra originária.
Em comunhão.
Pe. Bruno Pistocchi
To’o agora, hau sei admira, tansa padre Italianu ida iha momentu desisivu, historiku no kontraditoriu tebes iha Timor nia historia iha tinan 1974 ne’e, no mos hafoin nia belun Padre Roxo hetan sansaun no dada fila husi misaun iha Timor tan nia apoiu movimentu libertasaun nasional FRETILIN, afirma katak “Se vós, hoje, vos julgais os oprimidos, podeis contar comigo: estarei ao vosso lado … Mas no dia em que vós ganhardes e vos tornardes os dominadores desta terra, naquela dia também eu estarei ao lado dos oprimidos, mas contra vós, os futuros opressores daquela dia.
Iha pasajen ne’e, laos atu dehan ba ita katak, ita nia eis lider rezistensia no libertasaun nasional, ohin loron, foti pozisaun hamutuk ho opresor mundial: imperialismu? – hamutuk ho opresor no explorador mundial, laos katak, ita nia eis lider rezistensia no libertasaun nasional sira ne’e, parte ida ba sistema opresivu no exploradu?
Husi ne'e, lori ita ba Lenin, atu haketak, katak, ‘se mak inimigu’ ba povu. No los duni katak, eroi uluk bele sai fali traidor, inimigu ba povu iha ohin loron. Maibe susar atu povu deskobre tamba, “é porque forças contrárias impedem ... essa vontade” hanesan Nicolau hatete iha 1974.
Nia soke hodi ita hanoin kestaun neutralidade, hanesan iha nia liafuan "O meu lugar é ao lado do oprimidos". Iha tinan 2024 ne'e, forsa relijiozu fundamentalista hamutuk ho direta extremu no populismu sae makas iha nasaun barak inklui konservatismu Igreja ne’ebe buras mos iha Timor liga ba sa papel sosial igreja nian hodi kombate mizeria, dezigualdade sosial no hasoru poder koruptu no explorativu iha Timor-Leste. Eis padre balun, repete bebeik jestu Nicolau Lobato nian kona-ba kestaun neutralidade, maibe kona-ba jenosida no kolonizasaun Israel ba Palestina, nia dehan, nia neutral deit.
No Pe. Bruno kontinua, “Se o estado merece lealdade, devemos dar-lhe a nossa lealdade. Se o estado, porque opressor, merece revolução e luta, devemos, unidos em nome do Evangelho fazer a revolução e começar esta luta.” Ita presiza hanorin elites nasional no oligarkia ho “revolução e luta”.
Testu Padre Bruno nian ne’e serve nudar lisaun quinquagéssima (50 anos) ba sidadaun kristaun no maubere iha nia luta ba libertasaun total. Publika iha 1974, maibe testu intervensaun ne'e sai lisaun boot liu ba ita aprende, reforsa ita nia konsiensia politiku-historiku, liuliu hodi selebra ita nia paskoa iha 2024.
Comments